Радий Хәбиров студентлар кампусы турында фикерен җиткерде

"Безнең вузара студентлар кампусы турында тагын берничә сүз.  

Бу Башкортстанда бүгенге көнгә иң зур төзелеш. Мөгаен, иң мөһимнәрнең берседер. Чөнки безнең югары мәктәпнең яшьләр арасында ихтыяҗы зур, фәнебезнең киләчәге шуңа бәйле. Димәк, республиканың киләчәге бар дигән сүз. «Яшьләр һәм балалар» илкүләм проекты буенча эшлибез, бик яхшы темплар белән барабыз – биналары аена 3 кабат тизлек белән үсә. 2026 елның декабренә кадәр төзелешне тәмамларга планлаштырабыз. Кампуска 2027 елда күченә башлыйбыз.

Башкортстан Мәгариф министрлыгына мәктәп укучылары өчен булачак кампуска экскурсияләр оештырырга кушылды. Безнең максат -  чыгарылыш сыйныф укучыларында кызыксыну уяту. Алар өчен булдырган мөмкинлекләр турында белсеннәр. 

Бу зур, бик кирәкле эшкә катнашкан кешеләрнең барысына да рәхмәт белдерәм. Барыгызга да уңышлар юлдаш булсын!"