Талпан тешли күрмәсен!

Ямьле язга аяк бастык. Яз ул – кояшлы матур көннәр, гөрләвекләр, җылы яктан кайткан кошлар сайравы гына түгел. Аның борчуга сала торган ягы да бара. Ул да булса – талпаннар. Роспотребнадзорның Башкортстан Республикасы буенча идарәсе кисәтә: талпаннар сезоны башланды. Быел алар бигрәк тә күп булачак, дип фараз итәләр.

    Талпаннаркөннәр җылыта башлагач, беренче гөрләвекләр йөгергәч, гадәттә март ахыры – апрель  башында барлыкка килә.Активлыкның югары ноктасы – майда  һәмиюньдә. Ел җылы килгәндәиртәязданкара көзгәкадәр талпаннар куркынычысакланырга мөмкин.

   Ел саен республикада яшәүчеләрдән 10-12 мең кеше талпан тешләүдән интегә. 2025 елда төбәктә талпан вируслы энцефалитының – 14 очрагы, йогышлы талпан боррелиозының 24 очрагы теркәлгән иде.

         Ничек сакланырга? Ике төп ысулы бар:

• беренчесе – вакцинация.Бөҗәкләр күпләп булу куркынычы сакланган районнарда яшәүчеләр яки шул районнарга барырга җыенучылар өчен, шулай ук авыл һәм урман хуҗалыгы хезмәткәрләре, төзүчеләр өчен прививка – иң әйбәте.Прививкаларны ел дәвамында ясарга була, ләкин урманга яисә куркыныч зонага барырга 2 атна кала ясатып өлгерергә кирәк.Әгәр талпантешләсә, ә прививкаң булмаса, тешләгәннәнсоң 3көнэчендә махсус чара – талпанга  каршы иммуноглобулин (талпан тикшергәннән соң) кадарга мөмкиннәр.

   Икенчесе – территорияләрне  эшкәртү. Парклар, скверлар, ял базалары, балалар лагерьлары һәм башка урыннарны талпаннарга каршы махсус чаралар белән эшкәртәләр.

    Тагын да гади генә кагыйдәләрне үтәү дә талпан тешләвеннән сакларга ярдәм итәр:

• Бөҗәкләрнең тән тиресенә үтеп керүенә комачау итүче киемнәр киегез – чалбарны озын куңычлы носкига кыстырырга, озын җиңле күлмәк, баш киеме киеп йөрергә киңәш ителә.
• Талпаннарны куркыта яки үтерә торган спрейлар һәм кремнар кулланыгыз — аларны киемгә дә сиптерергә була.Табигатьтә, бакчада, дачада, ялан-кырларда булсагыз, үзегезне һәм якыннарыгызны, аеруча балаларны, киемнәрен даими тикшереп торыгыз.