Башкортстан һәрчак алда

Төбәкнең позициясе бу атнада БР Хөкүмәтендәге оператив киңәшмәдә тәкъдим ителгән саннар белән дә раслана. Башкортостанстат мәгълүматлары буенча, 2025 ел нәтиҗәләре буенча төп капиталга инвестицияләр күләме 852,6 млрд сум тәшкил иткән – бу узган елга карата 101,7 процент.

   "Абсолют саннарда без инвестицияләр үсешен 3 тапкырга арттырдык – 267 млрд сумнан 852 млрд сумга кадәр. Һәм бу бөтенләй чик түгел". - дип билгеләп үтте республика Башлыгы Радий Хәбиров.

   Башкортстанның икенче ел рәттән АСИ инвестицион климаты торышы милли рейтингында өченче урынны алып торуы турында да хәбәр ителә. Соңгы 5-6 елда республикада капитал җәлеп итү темплары Русиядәге уртача күрсәткечләрдән ике тапкырга диярлек артыграк.

   Төбәк шулай ук индустриаль парклар һәм сәнәгать кластерлары саны буенча да алда бара, ә «Алга» махсус икътисадый зонасы инвестицион җәлеп итүчәнлек буенча милли рейтингта өченче урынны алды.

Фото: srgazeta.ru