Лекция кызыклы булачак

Русиянең «Белем» җәмгыяте Ватанны саклаучылар көненә багышланган масштаблы агарту циклын башлап җибәрә. Тематик чаралар, лекцияләр һәм очрашулар илнең барлык төбәкләрендә 16-28 февральдә узачак.

   Ю.А. Гагарин исемендәге Саратов дәүләт техник университеты ректоры, тарих фәннәре докторы Сергей Наумовның Русия хәрби-тарихи җәмгыятенең (РВИО) төбәк бүлеге ярдәмендә Ачык онлайн-лекциясе Идел буе федераль округы өчен төп вакыйга булачак. Очрашу «Яшьләр һәм балалар» яңа милли проекты кысаларында оештырылды.

    "Шундый һөнәр бар - Ватанны якларга!" дип аталган лекциясендә танылган тарихчы тыңлаучыларга илнең героик елъязмасына тирән экскурсия тәкъдим итәчәк. Сүз рус хәрби тарихының дәүләт язмышын билгеләгән төп вакыйгалары турында барачак. Сергей Наумов Ватанны саклаучылар буыннарының өзелмәс элемтәсен күрсәтү өчен әһәмиятле сугышларны, аларның ролен һәм Русия үсешенә йогынтысын анализлауга җентекләп тукталачак.

    Лекциягә онлайн-форматта 19 февральдә (Мәскәү вакыты белән 13:00дә) кушылырга мөмкин. Катнашу өчен алдан теркәлү узарга кирәк. Билгеләп үтелгәнчә, бу чыгыш — зур программаның бер өлеше генә.

   Оештыручылар күп кенә активлыклар әзерләде: теләгән һәркем, «Белем»җәмгыятенең методик материалларыннан файдаланып, мөстәкыйль рәвештә тематик лекция белән чыгыш ясый алачак.

   Лекцияләрдән тыш, яшьләр өчен бөтен ил буйлап мастер-класслар, тарихи викториналар һәм экскурсияләр оештырыла.

    Фото: «Белем» җәмгыятенең төбәк бүлеге.