Барысы да Җиңү өчен!

     Башкортстан Республикасы Журналистлар берлеге һәм Нәшрият йорты СВОга ярдәм итү өчен акча җыю турында игълан итте.

   Республика Башлыгы Радий Хәбиров үзенең еллык Юлламасында журналистларга хезмәтләре өчен рәхмәт белдерде. Ул билгеләп үткәнчә, аларның алгы сызыктагы сюжетлары киң чагылыш таба. Республикның хәрби хәбәрчеләре хәрби хәрәкәтләр зонасында федераль коллегалары белән беррәттән СВО елъязмасын яза. Шулай ук безнең журналистлар махсус операциянең беренче көннәреннән үк гуманитар ярдәм җыюда актив катнаша.

     Узган елның октябрендә Башкортстан Журналистлар берлеге СВОга мобилизацияләнгән массакүләм мәгълүмат хезмәткәрләре өчен кыйммәтле җиһазлар сатып алуга акча җыю турында игълан итте. Матбугат һәм массакүләм мәгълүмат чаралары агентлыгы җитәкчесе М.В.Ульчев бу башлангычны хуплады һәм хезмәттәшләрен һәм төбәк халкын үз өлешләрен кертергә чакырды.

   "Безнең массакүләм мәгълүмат чаралары хезмәткәрләре республика сугышчыларына актив ярдәм итә. Алар гуманитар ярдәм җыялар, маскировка ятьмәләре үрәләр буржуйка-мичләр әзерлиләр, окоп шәмнәре ясыйлар. Октябрьдә Матбугат йорты хезмәткәрләре үзләре мобилизацияләнгән журналистларга гуманитар ярдәм илттеләр.

Шуннан соң, сугышчылар - безнең хезмәттәшләр соравы буенча, без өстәмә акча җыюны игълан иттек, ул ел ахырында тәмамланды. Бүген бу акчаларга без алар өчен разведка дронына заказ бирдек", - дип билгеләде Максим Ульчев.

    2026 елга шулай ук республика журналистларының СВО зонасына, гуманитар миссияләрне дә кертеп, барулары планлаштырылган. Республика Башлыгы юлламасы йомгаклары буенча «Башкортстан Республикасы» нәшрият йорты журналистлары төбәк Журналистлар берлеге белән берлектә акча җыю игълан иттеләр.

     «Дроннар, шулай ук башка кирәкле әйберләр сатып алып, аларны “Башкортостан" полкына тапшырырга ниятлибез, - диде республика Журналистлар берлеге рәисе Вәдүт Исхаков.