Наркотик матдәләр белән агуланучылар саны кимегән

2025 елның беренче өч кварталында һәр 100 мең кешегә 4,1 очрак теркәлгән, ә узган ел бу күрсәткеч 4,9 булган.

Иң күп агуланулар Уфада теркәлгән - 124 очрак. Шулай ук Стәрлетамакта (9 очрак) һәм Уфа районында (5 очрак), Белорет районында 4 очрак теркәлгән. Мәләвез һәм Туймазы районнарында, шулай ук Нефтекама һәм Салават шәһәрләрендә 3 очрак теркәлгән. Бәләбәй һәм Краснокама районнарында, шулай ук Октябрьский шәһәрендә – 2шәр очрак, - дип хәбәр итә UfaTime.ru.