Радий Хәбиров Дуслык монументына чәчәкләр салды.

"Иҗат итәбез, төзибез һәм төшенкелеккә бирелмибез".

4 ноябрьдә Уфада Халыклар бердәмлеге көнендә Башкортстан Башлыгы Радий Хәбиров Башкортстанның үз теләге белән Рус дәүләте составына керүенә 400 ел тулу уңаеннан төзелгән Дуслык монументына чәчәкләр салды.

Һәйкәлгә 1957 елда нигез салынган, ә аны тантаналы рәвештә 1965 елда ачканнар. Ул рус һәм башкорт халыкларының Бөек туганлык дуслыгын символлаштыра. Тантанада шулай ук Башкортстан Хөкүмәте әгъзалары, республиканың Дәүләт Җыелышы-Корылтай депутатлары, муниципалитет, министрлык һәм ведомство җитәкчеләре, җәмәгать эшлеклеләре һәм Уфаның мактаулы кешеләре катнашты. – Республикада яшәүчеләрне дуслык, уртак берләшү бәйрәме белән котлыйм, – дип ассызыклады Радий Хәбиров.

– Республикабызның көче шунда ки, мондый катлаулы чорларда без иҗат итәбез, төзибез һәм төшенкелеккә бирелмибез.