Диктант язабызмы?

   “1-8 ноябрьдә РФның барлык субъектларында һәм чит илләрдә «Зур этнографик диктант» X Бөтенрусия мәгърифәтчелек акциясе узачак”,- дип хәбәр итә БР Мәдәният министрлыгы.

   Акциянең максаты – Русиянең этномәдәни төрлелеген (тормыш рәвешен, традицион рухи һәм матди мәдәниятен, төрле халыкларның телләрен) белүне тикшерү. Диктантны оештыручы-милләтләр эшләре буенча Федераль агентлык.

   - Зур этнографик диктант күпмилләтле илебезнең уникаль мәдәни мирасын яхшырак аңлау һәм бәяләү омтылышында миллионлаган кешене берләштерүче мөһим традициягә әверелде. Бу проект – белемнәрне тикшерү генә түгел. Диктант безгә традицияләребезнең никадәр тирән һәм күптөрле булуын аңларга ярдәм итә һәм бу мирасны саклауның мөһимлеген искә төшерә. Юбилей, унынчы диктант, гомумрусия гражданнар бердәмлеген ныгытуда алга таба хәрәкәт итәргә этәргеч тә, – ди милләтләр эшләре буенча Федераль агентлык җитәкчесе Игорь Баринов.

   Этнодиктант Башкортстан

Республикасында 2016 елдан бирле үткәрелә. Узган ел акциядә 470 меңгә якын кеше катнашты (Мәскәүдән кала икенче урында, ләкин онлайн-катнашучылар саны буенча беренче урында). Республикада акцияне Башкортстан халыклары дуслыгы йорты оештыра. Гадәттәгечә акция ике форматта узачак: Русия төбәкләрендә махсус оештырылган мәйданчыкларда, шулай ук БДБ илләренең рус йортларында. Онлайн – милли сәясәт.рф сайтында, бу диктантны географик урыннарына карамастан, теләгән һәркемгә катнашу мөмкинлеге бирә.

   Быел

Уфада түбәндәге ачык офлайн-мәйданчыклар эшләячәк: Башкортстан Республикасы Милли китапханәсе (3 кат, Электрон ресурслар бүлеге) - 1 ноябрь, башлана 13.00 сәгатьтә; «Талантлар шәһәре» үсеш һәм иҗат үзәге (Степан Кувыкин ур., 17) – 5 ноябрь, 11.00 сәгатьтә башлана. Республиканың һәр муниципалитеты диктант язу өчен үзендә төп ачык офлайн-мәйданчык оештыра. Мәйданчыклар 1 ноябрьдән 8 ноябрьгә кадәр эшләячәк. Мәйданчыкларның тулы исемлеге түбәндәге сылтама буенча: https://miretno.ru/

    Акциягә Башкортстан Республикасы Россия халыклары ассамблеясенең төбәк бүлеге дә кушыла. Ике мәйданчык оештырылачак: 1 ноябрь – удмурт тарихи-мәдәни үзәге, Тәтешле районы, Яңа Тәтешле авылы, Мәктәп ур., 27 йорт. Башлана 10.00 сәгатьтә; 5 ноябрьдә – «Ватанны саклаучылар» махсус хәрби операциясендә катнашучыларга ярдәм итү дәүләт фондының Башкортостан Республикасы буенча филиалы, Уфа шәһәре, Минһаҗев ур., 107 йорт. Башлана 15.00 сәгатьтә. Анда сугышчылар, махсус операциядә катнашучылар, Башкортстан Республикасының милли-мәдәни үзәкләре, иҗтимагый оешмалар вәкилләре һәм җитәкчеләре катнаша.

Диктант биремнәре 30 гомум федераль сораудан тора, аларга 45 минут дәвамында җавап бирергә кирәк. Барлык биремнәрне үтәгән өчен максималь балл суммасы-100. Нәтиҗәләр күрсәтелгән онлайн-форматта катнашучы сертификаты диктантны электрон рәвештә узганнан соң ук кулланылачак. Офлайн-форматта катнашучы сертификаты мәйданчыкны оештыручы ихтыяры буенча бирелә. Гадәттәгечә, акциягә нәтиҗәләр 12 декабрьдә, Русия Федерациясе Конституциясе көнендә ясалачак.

   Акция турында тулырак мәгълүматны, мәйданчыкларга теркәлүне һәм онлайн-форматка керүне дә кертеп, милли сәясәт.рф сайтында һәм ВКонтакте-рәсми төркемендә карагыз

– https://vk.com/miretno. Шулай ук Халыклар бердәмлеге көне алдыннан милләтләр эшләре буенча Федераль агентлык 5-11 сыйныфлар өчен тематик дәрес әзерләде. Республиканың барлык муниципалитет мәктәпләрендә дә әлеге мөһим датага багышланган әңгәмәләр узачак.

    Фото: БР Мәдәният министрлыгы матбугат хезмәте.