Дөнья яшеллеккә күмелсен

"Яшел Башкортстан" акциясендә катнашучылар 70 меңнән артык агач үсентесе утырттылар.

    36 меңнән артык кеше көзге «Яшел Башкортстан» акциясендә катнашты. Бу хакта Башкортстан башлыгы Радий Хәбиров үткәргән атналык оператив киңәшмәдә төбәкнең торак-коммуналь хуҗалыгы министры Ирина Голованова сөйләде.

   Тематик

чаралар йомгаклары буенча барысы 82 аллея, 5,6 мең эре агач һәм 70 меңнән артык үсенте утыртылган. Муниципалитетларда шулай ук компенсацион яшелләндерү үткәрелде. Быел көз 840 агач һәм 6,3 меңнән артык куакны алмаштырганнар, алар үлгән яки зыян күргән.

   Быел гаилә кыйммәтләренә һәм патриотизмга аерым игътибар бирелде.

Әйтик, Бүздәк районында «Әти сукмагы» аллеясы утыртылды һәм «Әти паркы» җәяүле зонасы рәсмиләштерелде. Октябрьск, Стәрлетамак, Шаран һәм Хәйбулла районнарында аналар һәм махсус хәрби операциядә катнашучылар хөрмәтенә аллеялар салынды.

Фото: Уфа

шәһәре хакимияте.