Беренчеләр Хәрәкәте конкурс игълан итә

2025 елның 7 октябрендә Беренчеләр Хәрәкәте флагман проектының өченче сезоны башланды. Ул -  2025 - 2026 елларга "Беренчеләр Хәрәкәтенең беренче бүлекләре конкурсы" балалар һәм яшьләр өчен иң яхшы социаль инициативалар бәйгесе.  Конкурсның максаты - беренче бүлекләр инициативаларына ярдәм күрсәтү һәм яшьләрне социаль әһәмиятле эшләргә канатландыру.

 

 

Конкурс мәктәп һәм колледжлардан алып университетлар һәм өстәмә белем бирү оешмаларына кадәр - бөтен дәрәҗә һәм тип белем учреждениеләре командалары өчен ачык. Шулай ук яшьләр  сәясәте, мәдәният, спорт өлкәсе оешмалары һәм ятим балалар, аерым зарурлык кичерүче һәм авыр тормыш хәлендә калган балалар белән эшләүчеләр дә чакырыла.

 

 

- Командаларда 6-дан 25-кә кадәр яшьтәге 5-тән дә ким булмаган катнашучы һәм 18 яшьтән зуррак булган ике остаз булырга тиеш;

-Катнашучылар 8 юнәлеш буенча төрле катлаулыктагы бәйге биремнәре белән 5 уен дәрәҗәсен үтәргә тиеш.

 

 

Биремнәрне эксперт бәяләү йомгаклары буенча, иң яхшы 200 команда акчалата премия алачак. Алган акчаларны Беренчеләр Хәрәкәте киңлеген булдыруга, биналарны баетуга, беренче бүлек өчен корылмалар, җиһазлар, оргтехника сатып алуга файдаланырга мөмкин.

 

 

Катнашу өчен 2025 елның 10 ноябренә кадәр Беренчеләр Хәрәкәтенең рәсми сайтында гариза бирергә кирәк. Сезнең оешмада беренче бүлек ачылмаган булса, конкурска кушылу өчен аны теркәргә кирәк. Бу бәйге яшьләргә инициативаларын күрсәтү, идеяләрен тормышка ашыру һәм проектларын үстерү өчен шәп форсат!