"Башкорт аты" фестивалендә 60 волонтёр эшли

Аларны шәмәхә төсендәге жилетлардан һәм алардагы язулардан танып була. Волонтерлар кунакларга фестиваль мәйданчыгында ориентлашырга ярдәм итәчәк, ат ярышлары, һөнәрчелек күргәзмәсе кайда узуын, гастрозона урнашуын, кирәкле урынга кадәр уздыруларын әйтәчәк.

Шундый ярдәмчеләрнең берсе — Уфа ягулык-энергетика көллиятенең Баймак филиалыннан 17 яшьлек Арслан Баймөхәммәтов. "Башкорт аты"нда ул икенче тапкыр эшли, өстәвенә былтыр җайдак сыйфатында атлы парадта катнашкан.

- "Башкорт аты"н яңа ат токымнары белән танышу мөмкинлеге өчен яратам. Гарәп атын күрергә хыялланам. Фестиваль киләчәктә дә гаҗәпләндерергә мөмкин, - дип уртаклашты егет.

Көллият студентларын һәм өлкән сыйныф укучыларын - волонтёрлар итеп республиканың Яшьләр сәясәте министрлыгы һәм Баймак районы хакимиятенең яшьләр эшләре комитеты әзерләде.

"Башинформ" буенча Юлай НИЗАЕВ.