Марафон узачак

2025 елның 7 сентябрендә Башкортстан башкаласында XI Уфа халыкара марафоны узачак. Анда катнашучылар, марафон кысаларында, хоспис карамагындагыларга ярдәм йөзеннән акча җыеп, Уфа хосписына ярдәм итә алалар.

   Быел оештыручылар үз рекордларын узарга һәм стартка 10 меңнән артык йөгерүчене җыярга исәп тота. «Уфа марафоны-2025» программасына тәҗрибәле йөгерүчеләр өчен тулы марафон (42,2 км) һәм ярыммарафон (21,1 км); һәвәскәрләр өчен 10 км, 5 км һәм 2 км йөгерү; 6 сентябрьдә «Динамо» стадионында балалар старты керә.

    Катнашучылар старт пакетларын 5 һәм 6 сентябрьдә 10:00 дән 21:00 гә кадәр «Уфа-Арена»да ала алачак. Старт пакетына ачык дизайнлы футболка керә, ә финишта һәр катнашучы истәлекле медаль ала. Маршрутны шулай ук Скандинавия йөреше белән яки роликлы тимераякта узарга мөмкин. Иң мөһиме – вакыт лимитына сыешу. Чара барышында концерт һәм бик күп активлык чаралары планлаштырылган. Музыкаль программаның махсус кунагы — Авраам Руссо. Марафонны әзерләү һәм уздыру чорында юлларда чикләүләр гамәлдә булачак. Шәһәр хезмәтләре уфалыларга үз сәфәрләрен алдан планлаштырырга һәм чикләүләрне исәпкә алып автомобильләрне парковкаларга киңәш итә.

   Фото: Уфа хакимияте матбугат хезмәте