Этләр су буенда йөрергә тиешме?

Оныгым белән еш кына башкалабызның Кашкадан паркына ял итәргә киләбез. Бала белән күл тирәли йөрергә бик тә яратабыз. Тик менә су буена, пляжга кайберәүләрнең этләре белән килүе генә кәефне кыра. Беренчедән, эт куркытып куймасын дип, оныгым өчен борчылам, икенчедән, этләр пляж тирәсендә йомышларын йомышларга да күп сорамыйлар. Хайваннарны хуҗалары пляж тирәсендә йөртергә тиешме ул?

Хайваннар белән сулыкларга юлланганда нәрсәләрне белергә кирәк? Башкортстан Республикасының ветеринария буенча дәүләт комитеты белгечләре бу сорауга болай дип җавап бирә:

Хайваннарны җәмәгать пляжларына алып килергә киңәш ителми.Бу начар күрүчеләрне озатып йөрүче (повадырь) этләргә кагылмый.
Әйләнә-тирәдә кешеләр, аеруча балалар, башка хайваннар булса, этне бәеннән ычкындырып җибәрү тыела.
Этләргә лептоспироздан һәм котыру авыруыннан прививка эшләтелгән булырга тиеш. Лептоспирозны– ачык сулыкларда, ә котыру авыруын кыргый хайваннар тешләгәндә йоктырырга мөмкин.
Этегез яхшы йөзсә дә, сай суда гына булып, үзен яхшы хис итсә дә, аны күз уңыннан ычкындырмагыз.
Коенганнан соң, Акбаегызны сөлге белән корытыгыз,өйдә аны кабат махсус шампунь белән юындырыгыз.
Этегезнең үз-үзен тотышы сәер сыман тоелса, кичекмәстән ветеринарга мөрәҗәгать итегез.

Фото: tr.pinterest.com

Автор:Таҗиева Руфина

Читайте нас

Партнеры