Милли музейда патриотик күргәзмәләр ачылачак

22 августта Башкортстан Милли музеенда ике патриотик күргәзмәне ачу тантанасы була: «Армия культуры» (Русия Федерациясе Кораллы көчләренең Үзәк музее) һәм « МХО рәссам күзләре белән». Экспозицияләр армия мәдәнияте көннәре программасы кысаларында күрсәтеләчәк.

«Армия культуры» күргәзмәсе Русия Федерациясе Оборона министрлыгының мәдәният департаменты карамагындагы музейлар, театрлар һәм иҗат коллективлары белән таныштыра.

Килүчеләр Русия Федерациясе Кораллы көчләре үзәк музее җыентыгындагы Җиңү Байрагы күчермәсен, артистларның сәхнә костюмнарын, бүләкләр, билгеләр һәм «мәдәни фронт»тагы казанышларны чагылдырган башка әйберләрне күрәчәк. Күргәзмә 27 августка кадәр эшләячәк.

«СВО глазами художника» күргәзмәсе һәр килүчегә безнең заманның героик тарихына кагылырга мөмкинлек бирәчәк.

Күргәзмәдә солдатларның авыр көнкүрешен, аларның батырлыгын, медикларның фидакарьлеген һәм сугыш чорының лирик мизгелләрен чагылдырган рәссам-баталист Егор Смирновның эшләре тәкъдим ителәчәк. Күргәзмә 21 сентябрьгә кадәр эшләячәк.

Шул ук көнне, 22 августта, балалар һәм гаиләләр өчен «Солдат бәйрәме» акциясе булачак.

Патриотик программа 26 августта, 15:00 сәгатьтә, фронт рәссамы Юрий Сивачев белән очрашу белән дәвам итәчәк. «Батырлык портреты» чарасында Юрий Евгеньевич музей җыелмасына Ватанны махсус хәрби операция зонасында саклаучы якташлар-геройлар портретларын тапшырачак.