"Ласточка" поезды старт алды

Бүген, 1 августта, Башкортстан башлыгы Радий Хәбиров Дим станциясендә транспорт-күчеп утыру узелын ачуда һәм Уфа белән Чиләбе арасында беренче төбәкара шәһәр яны маршрутын эшләтеп җибәрүдә катнашты.

Даими рейсларны заманча электропоездлар – биш һәм алты вагонлы «Ласточка» башкарачак.

Дим станциясеннән алар җомга, шимбә һәм якшәмбе көннәрендә 13:25 сәгатьтә Чиләбегә шул ук көнне 23:05 сәгатьтә барып җитәчәк.

Поездлар кире юнәлештә Чиләбедән шимбә, якшәмбе һәм дүшәмбе көннәрендә 6:04 сәгатьтә китәчәк, Уфага 15:36 сәгатьтә килеп җитәчәк. Юл вакыты тугыз сәгать чамасы, 32 тукталыш каралган.

Автор:Ләйсән КАСПРАНОВА.

Читайте нас

Партнеры