Төбәк Башлыгы марилар белән очрашты

«Шукын кумалтыш»та күрештеләр.

Бүген Мишкә районына эш сәфәре кылганда Радий Хәбиров Мишкә авылында «Шукын кумалтыш» дигән мариларның изге әрәмәлегендә булды. Ул рухи тормышның гомум үзәге функциясен үти – монда төрле авылларда яшәүчеләр җыела.

2016 елда Мари тарихи-мәдәни үзәге башлангычы һәм җәмәгатьчеләр ярдәме белән гыйбадәт кылу урынын – җир кишәрлеген ызанлау, киртәләр төзү эшләрен башкарганнар. Урындагы активистлар һәм аксакаллар гореф-гадәтләрне саклауны һәм үз-үзеңне тоту кагыйдәләрен үтәүне күзәтәләр. Мәдәният киңлеге мәйданында аеруча хөрмәт ителә торган агач – «онапа» үсә.

Республика Башлыгы Башкортстанда яшәүче мариларның үзенчәлекле урыны, йолалары һәм традицион ышанулары белән танышты. Төбәк җитәкчесе мари руханилары – картлар белән аралашты һәм традицияләрне саклауның мөһимлеген билгеләп үтте.

– Бу кешелекнең иң зур байлыкларыннан берсе – бөтен матурлыгы, теле, мәдәнияте, гореф-гадәтләре, дине булган халык, – диде Республика Башлыгы.

Фото: glavarb.ru