Авыл хужалыгында эш стажы өчен пенсионерларга өстәмә түләү каралган

Русия Социаль фондының Башкортстан буенча бүлекчәсе белгечләре шушы хакта аңлата. 2025 елның 1 гыйнварыннан өстәмәнең күләме 2 226,93 сум тәшкил итә.

Картлык яки инвалидлык буенча страховка пенсиясенә өстәп түләнгән акча авыл халкына түбәндәге өч шартны үтәгәндә бирелә: 

- кәмендә 30 ел стажы;

- түләүле эше булмаса;

- авыл җирендә яшәгән очракта.

Авыл стажына колхозда, совхозда яки терлекчелек һәм балыкчылык сферасына караган башка авыл хуҗалыгы предприятиесендә эшләү чоры керә. 

Һөнәр Русия Хөкүмәте раслаган исемлеккә vk.cc/cdE94X тап килергә тиеш. Шул ук вакытта, нинди вазифа биләүгә яки һөнәр төренең нинди булуына карамастан, 1992 елга кадәр авыл хуҗалыгы оешмаларында эшләү вакыты исәпкә алына.