Юлда 18 яшьлек егетнең гомере өзелгән

Башкортстанда 18 яшьлек егет машинасы белән юл һәлакәтендә вафат булган. Авария бүген иртән Куергазы районында Уфа-Ырынбур юлында теркәлгән.

Машина йөртүче 18 яшьлек егет "Лада Гранта" руле артында идарәне югалтып, юл читенә чыгып очкан. Юл-транспорт һәлакәте нәтиҗәсендә машина йөртүче ашыгыч медицина ярдәме килгәнче вафат булган.

Егетнең машина йөртү таныклыгы бөтенләй булмаган, диләр. 

Һәлакәт урынында Дәүләт автоинспекциясе хезмәткәрләре һәм башка ашыгыч хезмәтләр эшли. Юл-транспорт һәлакәтенең нечкәлекләре ачыклана.

Чыганак: Ufa_rb