Журналистлар марафоны тәмамланды

"И штыком, и пером" дип аталган журналистлар марафонына йомгак ясалды. 

Башкортстан Журналистлар берлегенең төньяк районара иҗат берләшмәсе редакцияләре өч айга якын үткәргән "журналистлар марафоны тәмамланды.

Аның асылы Бөек Ватан сугышы елларында район гәзитләренең ничек чыгуы турында хезмәттәшләренә, ветераннарына, укучыларына, район халкына сөйләүдән, төрле вакытта редакцияләрдә эшләгән фронтовикларны искә алудан гыйбарәт иде. Марафон тарихи хәтерне сакларга һәм журналистларның һәм журналистиканың Бөек Җиңүгә керткән өлешен бәяләргә тиеш иде. Чөнки сугыш еллары газеталары халыкка фронттагы хәлләр, тылдагы хәлләр, хакимиятнең гамәлләре турында хәбәр итеп кенә калмады.

Иң мөһиме - гәзитләр кешеләрнең җиңүгә ышанычын ныгытты, якташларын фидакарь хезмәткә рухландырды. Үткәннәр турында сөйләгәндә, безнең газеталар яңадан мәгълүмат фронтының алдынгы сызыгына чыккан бүгенге хәлләр турында да сөйләделәр.