“Приоритет-2030” – төбәкнең фәнни киләчәге өчен мөһим адым

«Приоритет – 2030» программасы илнең әйдәп баручы университетларына инновацион алымнар кертергә, фәнни мәктәпләрне ныгытырга һәм талантлы белгечләрне җәлеп итәргә ярдәм итә. Шунысын да ассызыклап үтәргә кирәк, проектка нәкъ менә илнең әйдәп баручы югары уку йортлары эләгә. Һәм Башкортстанның хәзер үзенең фәнни-мәгариф портфелендә шундый дүрт университеты бар.

«Приоритет – 2030» программасында катнашу Башкортстан университетлары алдында стратегик мөһим проектларны гамәлгә ашыруга юнәлдерелгән җитди финанс ресурсларына юл ача.

Бу югары уку йортларына үз җиһазларын  яңартырга, яңа белем бирү программаларын үстерергә һәм күбрәк фәнни тикшеренүләргә ярдәм итәргә мөмкинлек бирәчәк. Русиянең технологик бәйсезлеккә ирешүенең кискен ихтыяҗы шартларында бу бигрәк тә мөһим, чөнки нәкъ менә университетлар талантларны җәлеп итү үзәкләренә һәм инновацион идеяләр генераторларына әверелә.

 Радий Хәбиров бу вакыйганың әһәмиятен ассызыклады: "Бүген без мәгариф һәм фән үсешендә зур адым ясыйбыз. Безнең югары уку йортларының «Приоритет – 2030» программасында катнашуы нәтиҗәсендә без университетларыбызны яңа дәрәҗәгә күтәрәчәк амбициоз проектларны гамәлгә ашыра алачакбыз”.

  Радий Хәбировның республика югары уку йортларыннан гаризалар әзерләү һәм яклау процессында шәхсән актив катнашуы игътибарга лаек, бу республика хакимиятенең төбәк университетларын тагын да югарырак дәрәҗәгә чыгарырга һәм аларны конкурентлыкка сәләтле итәргә омтылуын ассызыклый.

 Башкортстан башлыгы алдагы 10 елда төбәк икътисады мөмкинлекләрен үстерүдә университетларның ролен яхшы аңлый. Нәкъ менә үзендә көчле фәнни-тикшеренү фундаменты булдырачак төбәк үз үсешенә өстәмә көчле импульс бирә алачак.

Башкортстанда шулай ук яшь галимнәргә һәм тикшеренү коллективларына ярдәм итү системасы формалашкан инде. Комплекста болар барысы да креатив мохитне үстерү өчен шартлар тудырачак, анда идеяләр реаль казанышларга әвереләчәк, ә Башкортстан инновацион үсеш лидерларының берсе булачак.