Капремонт взносын арттырырлармы?

  Капиталь ремонт  өчен түләүне арттырырга җыеналар дип ишеттек? Шул дөресме? Дөрес булса, күпмегә арттырырлар икән?

                                            Илнур Сабиров.                            

     Дөрес булуы да мөмкин – Башкортстанда 1 майдан капиталь ремонт өчен взносны 1,5 тапкырга арттырырга планлаштыралар. Республика Хөкүмәте шушы хакта карар проектын әзерли. Документны төбәкнең Торак-коммуналь хуҗалыгы министрлыгы сайтында бастырдылар.

    Проектка ярашлы рәвештә,  әгәр элек  алты каттан кимрәк биеклектәге йортларда яшәүчеләр бер квадрат метр өчен – 7,46 сум, ә алты каттан биегрәк йортта 8,1 сум түләсәләр, карар үз көченә кергәннән соң бу суммалар 12,5 һәм 13,2 сумга кадәр артачак.