Яшьләр белән ничек эшләргә?

25 февральдә Русия Президентының Идел буе федераль округындагы Тулы вәкаләтле вәкиле Игорь Комаров Идел буе федераль округында гражданлык җәмгыяте институтларын үстерүгә ярдәм итү фонды советы утырышын уздырды.

Чарада җәмәгать эшлеклеләре һәм Русия Федерациясе субъектларының Идел буе федераль округында урнашкан зур оешмалары җитәкчелеге вәкилләре катнашты.

Утырыш барышында Идел буе федераль округында яшьләр сәясәтен алга таба гамәлгә ашыру планнары, шул исәптән округ иҗтимагый проектлары кысаларында да, тикшерелде. Игорь Комаров билгеләп үткәнчә, бу эшчәнлек Русия Президенты Владимир Путин куйган бурычларны хәл итүгә юнәлдерелгән:

«Идел буе федераль округы территориясендә гамәлгә ашырыла торган иҗтимагый проектлар Русиянең 2030 елга кадәр һәм 2036 елга кадәрге перспективага – һәр кешенең потенциалын тормышка ашыруга, аның талантларын үстерүгә, патриотик һәм социаль җаваплы шәхес тәрбияләүгә туры килә».

Идел буенда 13 иҗтимагый проект гамәлгә ашырыла, алар балалар һәм яшьләрнең үсешенә стимуллар тудыра, социаль мәсьәләләрне хәл итәргә ярдәм итә. 2024 елда Русия Президентының Идел буе федераль округындагы Тулы вәкаләтле вәкиле аппараты Фонд белән бергә гамәлгә ашыра торган округ проектларында округның 14 төбәгеннән 384 меңнән артык яшь кеше катнашты.