Кемнәр пенсиягә иртәрәк чыгачак?

Русия Социаль фондының Башкортстан бүлеге белгечләре кемнәрнең пенсиягә вакытыннан алда чыгу хокукына ия булуы  турында сөйләделәр.

   Шулай итеп, түбәндәге гражданнар вакытыннан алда пенсиягә чыгу хокукына ия:

• Авыр, куркыныч һәм зарарлы хезмәт шартларында эшләүче кешеләр.
• Укытучылар һәм табиблар.
• Күп балалы әниләр (өч баласы булганнар – 3 елга иртәрәк, дүрт балалылар – 4 елга).
• инвалид балаларын 8 яшькә кадәр тәрбияләүче ата-аналар.

• Хәрби җәрәхәт аркасында инвалид булып калган кешеләр.

• Радиация  яки техноген һәлакәтләрдә зыян күрүчеләр.
• Очу-сынау стажы булган гражданнар.

      Күп балалы әниләр 15 ел страховка стажы булганда пенсиягә иртәрәк чыга ала.

Балаларны карау чоры стажга (максимум 6 ел) кертелә.

    Шулай ук зур эш стажы булган гражданнар: кимендә 37 ел стажы булган хатын-кызлар һәм 42 ел стажы булган ир-атлар да вакытыннан алда пенсия ала ала.

    Пенсия алды яшендәгеләр эшкә урнашу мөмкинлеге булмаганда ике елга иртәрәк пенсиягә чыга ала.

   Социаль фонд белгечләре гражданнарга пенсиягә чыгар вакыт җиткәнче 2 ел алдан мөрәҗәгать итәргә киңәш итә.