Киңәшмәдә нәрсә турында сөйләштеләр?

• Республикада МХОның гамәлдәге һәм демобилизацияләнгән катнашучылары арасыннан квалификацияле җитәкчеләр әзерләүгә юнәлдерелгән «Башкортстан геройлары» кадрлар әзерләү программасы эшли башлый.
• Радий Хәбиров Башкортстан Башлыгының «Елның яшь галиме» премиясен гамәлгә кую турындагы указга кул куйды. Ел саен җиде галим 150 мең сум алачак.

• Радий Хәбиров муниципалитет башлыкларына Җиңүнең 80 еллыгына әзерләнергә кушты. Уфада парад һәм башка чаралар узачак.
• Башкортстанда студент отрядларын үстерү буенча оператив штаб оештырылачак.

• Төбәк Башлыгы Башкортстанда җинаятьләрнең кайбер төрләре кимүе турында әйтте. Әмма мәгълүмати-телекоммуникация челтәрләрендә кылынган җинаятьләр саны арткан - телефон мошенниклыклары һәм башкалар кебек.

• "Манаралар өстендә эш тәмамланды. Түбә алыштыруга күчәбез, чөнки ул тулысынча яраксыз хәлгә килгән», — дип сөйләде Радий Хәбиров «Әр-Рәхим» мәчетен төзү турында. Әгәр фасад буенча эшләрнең төп өлешен төгәлләп булса, киләсе кышны җылытырга һәм бинаның эченә керергә мөмкин булачак.

• Башкортстан башлыгы 3 февральдә старт алган Президент грантлары конкурсы турында искә төшерде. Гариза бирү кампаниясе 17 мартка кадәр дәвам итәчәк.

• Башкортстан социаль хезмәтләр күрсәтү буенча Русия төбәкләре арасында лидерлар өчлегенә керә. Төбәктә өлкән яшьтәге кешеләрне карау буенча хезмәтләр күрсәтүче ун оешма эшли.

• Радий Хәбиров язын «Хәтер бакчасы» халыкара акциясен уздыру турында белдерде. Бу масштаблы акциягә багышланган киңәшмә апрель башына планлаштырылган. Республика шәһәрләрендә һәм районнарында «Хәтер бакчалары» һәм тематик аллеялар утырту планлаштырыла.

• Башкортстан эшкуарлары 3,7 миллиард сумлык дәүләт ярдәме алган.
• Радий Хәбиров «Торатау» һәм «Янган-Тау» геопарклары инфраструктурасын үстерүгә җитди игътибар бирергә кушты.

• Башкортстанда урман янгыннарының мәйданы 2023 ел белән чагыштырганда 97 тапкырга диярлек кимегән, ә янгыннар саны — 10 тапкырга.

• Башкортстанда  “юл” мөрәҗәгатьләре саны кимегән.

• Төбәк Башлыгыэш сәфәре белән Беларуссиягә һәм Мәскәүгә барачак.

            Республика белән идарә итү үзәгендә киләсе киңәшмә 11 февральгә билгеләнгән.