Мирасын кабул иткәнче, башта бурычын тикшер!

Русиялеләрне васыять итеп, мирас калдыручының бурычларын тикшермичә торып мирасны кабул итмәскә киңәш итәләр. Бу киңәш бүгенге көндә аеруча актуаль, чөнки, кем әйтмешли, бурычсыз кеше юк диярлек. Ә мирасны кабул итүчегә бу хәл проблемалар гына өстәргә мөмкин.

    Шуны онытмаска кирәк: Роскачествоның финанс экспертизасы үзәге җитәкчесе Ольга Вяльшина аңлатуынча,  варислар бурычлар буенча мирас итеп алынган милек суммасы чикләрендә генә җавап бирә.

   Мәрхүм туганның бурычлары турындагы мәгълүмат базасы барлык теләүчеләр өчен дә ачык, әмма ул бары тик агымдагы эшләр турында гына белергә мөмкинлек бирә. Рәсми булмаган бурычлары да булырга мөмкин – мәсәлән, дуслар алдында, коммуналка яки штрафлар өчен. Алар варислар өчен  күңелсез сюрприз булырга мөмкин, шуңа күрә кешенең барлык финанс хәлләрен ачыклау өчен дәүләт органнарына мөстәкыйль рәвештә запрос бирү яхшырак, дип билгеләде Вяльшина. Ул шулай ук васыять итүченең кредитлары булса, банкларга мөрәҗәгать итәргә киңәш итә.

   "Коммуналь түләүләр буенча бурычларның булуын тикшерергә кирәк. Моны идарә итүче компаниягә мөрәҗәгать итеп эшләргә мөмкин. Кайвакыт мәрхүмнең бурычлары турында белергә мөмкин булган күршеләре яки дуслары белән сөйләшү дә файдалы”, - ди эксперт.

   Шулай ук ул мәрхүм туганның кредит тарихын соратып алырга тәкъдим итә.

    Моңа кадәр “Юков һәм партнерлар” компаниясе адвокаты Илья Бахилин да мәрхүмнең бурычлары булганда мирасны кабул итмәскә киңәш иткән иде. Моның өчен нотариуска гариза бирергә кирәкми. Мирасның бернинди өлешен дә кабул итмәскә кирәк.

Фото: novostroev.ru