“Уязы-Тау”да ни булган?

Сүз 15 кеше турында бара, алар арасында - Мәскәүдән берничә кунак та.

   Бу мәгълүматны тикшерү белән Роспотребнадзорның Башкортстан буенча идарәсе шөгыльләнә. Ведомство хезмәткәрләре ял базасындагы өйләрне, бүлмәләрне һәм туклану урыннарын лаборатор тикшеренүләр кулланып тикшерәләр, чөнки шикаятьтә биредә тычканнар булуы күрсәтелгән.

  Билгеле булганча, олылар һәм балалар комплекска өч көнгә  урнашканнар, янәсе, алар база тарафыннан бәйрәм сые буларак бирелгән ашамлыкларны ашаганнан соң хис иткәннәр. Туристлар сүзләренчә, 3 яшьтән 12 яшькә кадәрге балалар вирусны  каз белән сыйланганнан соң бер тәүлек узгач йоктырган...

  Видеода шаһитлар номерларның берсендә тычкан экскрементлары табылуын, кадрга кимерүчеләр үзләре эләгүен сөйләделәр. Шул ук вакытта туристлар мөстәкыйль рәвештә дәвалануга өстенлек биргәннәр.

   “Әгәр мәгълүмат расланса һәм хокук бозулар ачыкланса, юридик затка аларны бетерү буенча киңәшләр һәм күрсәтмәләр бирәчәкләр", - диләр төбәк Роспотребнадзорында.

   “Уязы-Тау”га нигез салучы Ирек Насыйбуллин сүзләренчә, элек монда ял итүчеләр белән мондый хәл булмаган.

    "Сервис мәсьәләләре белән, әлбәттә, шөгыльләнергә кирәк. Бу бик зур эш, даими контроль кирәк. Шуңа күрә җитәкчелек белән дә, администратор белән дә, база хезмәткәрләре белән дә бүген аралаштык -  барысы да, әгәр ниндидер хаталар булса, аларны төзәтергә әзер. Аңлашылып тора, янәшәдә урман, һәм социаль челтәрләрдә язылганча, шундый хәл туарга мөмкин. Икенче яктан, бу ял базасы республикада иң яхшыларның берсе санала, һәм 2009 елдан башлап 15 сезон эчендә беренче мәртәбә мондый хәл килеп чыкты. Ачыкларбыз", - дип сөйләде Башкортстанның туризм министрлыгы башлыгы Зөһрә Гордиенко.