Афәрин, Марсель!

 Дүрт көн дәвамында илнең 67 төбәгеннән җыелган 600 студент көч сынашты. Акмулла исемендәге университетның педагогика институты студенты Марсель Закиров «Елның иҗади шәхесе» номинациясендә җиңүче булды. Марсель педагогика институтының магистратурасында беренче курста укый. Ул-университетның барлык иҗади чараларында даими катнашучы, «Студентлар язы» республика фестиваленең күп тапкырлар лауреаты, «Елның яшь лидеры» , һәм бик күп фестивальләрнең лауреаты. Хәзер Марсель укуын һәм иҗат эшчәнлеген Уфа шәһәренең «Северный» яшүсмерләр клубындагы эше белән бергә алып бара. Бөтенрусия премиясе финалында катнашуы турында ул менә нәрсә сөйләде: "Үз номинациямнең беренче очрашуларына килгәч, мин бөтен Русиядән бик күп талантлы студентларны күрдем. Без соңгы мизгелгә кадәр кем җиңүче, ә кем лауреат булачагын аңламадык, чөнки күпчелек егетләр тигез бардылар; көндәшлек бик зур иде. Һәркем уникаль, һәркем үзенчә кабатланмас! Финал этапларында без берничә сынау үттек: жюри сорауларына җаваплар белән үз-үзеңне тәкъдим итү, Русиянең рухи кыйммәтләре турында тест үткәрү, безнең номинация командасы өчен «корпоратив» үткәрергә кирәк булган эшлекле уен. Иң мөһиме, әлбәттә, иҗади номер белән чыгыш ясау булды, анда мин үз репертуарымның «Кызыл розалар» җырын башкардым. Мондый зур конкурста Башкортстан исеменнән чыгыш ясау бик күңелле! Акмулла университетына зур ярдәмнәре, барлык чараларыбыз өчен зур рәхмәт, мондый җиңүләр бары тик зур ярдәм нәтиҗәсендә генә барлыкка килә бит!» «Ел студенты» Русия милли премиясе «Синең йөрешең — 2024» Бөтенрусия студентлар форумы кысаларында гамәлгә ашырыла, аны оештыручылар — Русия Федерациясе Фән һәм югары белем министрлыгы, яшьләр эшләре буенча Федераль агентлык (Росмолодежь), «Русия яшьләр берлеге» гомумрусия иҗтимагый оешмасы, «Русия-мөмкинлекләр иле» Президент платформасы һәм Росмолодежьның «Сәяхәткә караганда күбрәк» программасы.

Чыганак: pravitelstvorb.ru