Кузнецов затоны юлы кайчан ачылыр?

   Башкортстан Башлыгы белән туры линия барышында Радий Хәбировка Кузнецов затоны һәм Пугачев урамы кешеләре әнә шул сорауны бирде.

   “Әле тапшыру вакыты чыкмаган, ел ахырында без Пугачевканы һәм бар комплексны тапшырырга тиеш идек. Моны башкарып чыгуга киртә булган сәбәпләр бар. Срокның күчерелүе начар, анда яшәүчеләрдән мондый уңайсызлык өчен гафу үтенәбез. Бу катлаулы комплексны 2025 елда куллануга тапшырачакбыз”,- диде БР Башлыгы.- Алга атлар өчен барыбызга да бергәләп кайсыбер уңайсызлыкларны кичерергә туры киләчәк. Кешеләргә тапшыру вакытының күчерелүен ни өчен һәм нинди вакытка кадәр икәнен аңлатырга кирәк. Декабрьдә Геофизиклар урамына табан бераз юлны ачачакбыз – ике полоса җибәрәбез. Анда бик күп проблемалар бар, шул исәптән, подрядчы “Башкиравтодор” белән дә”.

Фото: Башинформ.