“Башкортстан социаль эшкуарлыкны үстерергә әзер”

Форум социаль эшкуарлыкны үстерү трендлары турында  фикер алышу өчен мөһим мәйданчыкка әверелде.

  “Социаль өлкәне үстерүнең бердәм концепциясен формалаштыру” исемле пленар утырышта спикерларның игътибары төбәк проблемаларын хәл итү өчен социаль проектларның мөһимлегенә бирелде.

 - Социаль эшкуарлык ул – бизнес  кына түгел, ул, беренче чиратта, кешеләр турында, - дип ассызыклады Башкортостан Республикасының эшкуарлык һәм туризм министры вазифаларын башкаручы Зөһрә Гордиенко. - Соңгы елларда Русиядә эшкуарлыкның  көннән-көн социаль проблемаларга юнәлеш ала баруы күзәтелә. Бу юнәлеш бигрәк тә Башкортстанда актуаль. Анда социаль эшкуарлык актив үсә. Монда конкрет максат -  кешеләргә ярдәм итү тора.

   Бүгенге көндә Башкортстанда уңышлы эшкуарлык проектларының күбесе социаль яктан зәгыйфь гражданнарны эшкә урнаштыру белән бәйле. Болар -  мөмкинлекләре чикләнгән кешеләр, күп балалы гаиләләр, шулай ук төрле тормыш кыенлыклары белән очрашкан кешеләр. Социаль эшкуарлыкның эш урыннары булдыру белән генә чикләнмәве, ә  мондый кешеләр җитештергән продукцияне җитештерү  һәм сатуны да үз эченә алуы аеруча мөһим.

   Зөһрә Гордиенко төбәкнең мөһим казанышларының берсе – социаль  хезмәтләр күрсәтү өчен инфраструктура булдыру фикерен ассызыклады. Мәсәлән, төбәктә балалар бакчалары кытлыгына җавап итеп, мәктәпкәчә белем бирүнең шәхси учреждениеләренең яңа формалары кертелде, бу социаль проблеманы хәл итүгә зур адым булды.

 Башкортстан шулай ук актив рәвештә социаль эшкуарлык проектларын субсидияли. Бу аны илдә әлеге секторга ярдәм итү буенча лидерларның берсе итә. Теркәлгән социаль эшкуарлар саны буенча республика  илдә  икенче урында тора. Монда актив дәүләт ярдәменең роле зур.

     Ветераннарга һәм махсус хәрби операциядә катнашучыларга ярдәм итүгә аерым игътибар бирелә. Бу гражданнар өчен эш урыннары булдыру, аларны реабилитацияләүне һәм психологик ярдәм күрсәтүне оештыру төбәкнең социаль сәясәтенең мөһим өлеше булып тора.

     Шулай итеп, Башкортстанда социаль эшкуарлык – ул  тренд кына түгел, ә төбәкнең социаль-икътисадый үсешенең мөһим өлеше. Ул җәмгыятьнең актуаль проблемаларын хәл итүгә һәм мохтаҗларга ярдәм итүгә юнәлдерелгән.

  Башкортстан Республикасы эшкуарлар  хокукларын яклау буенча вәкаләтле вәкиле Абрамова Ирина Евгеньевна социаль эшкуарлыкка гына түгел,  төбәктә бизнеска ярдәм итүнең киң спектрына кагылышлы мөһим аспектларны ассызыклады. Ул игътибарны төбәкнең эшкуарлык һәм социаль инициативалар өлкәсендәге казанышларына юнәлтте, республиканың Идел буе федераль округы субъектлары арасында һәм Русиядә  лидерлык позициясен билгеләп үтте.

    «Безнең киләчәк» фондының стратегик тикшеренүләр  дирекциясе җитәкчесе Михаил Космачев

болай дип ассызыклады:

 - Башкортстан лидерлыкка ресурслар ярдәмендә генә түгел, ә актив эш һәм үз ролен аңлау нәтиҗәсендә дә иреште.