Мәктәп кирәк! Юллар юк?

Каян килә бу мөрәҗәгатьләр?

Уфада узган атнада социаль челтәрләрдә мәгариф темасына мөрәҗәгатьләр саны сизелерлек артуы билгеләнә.  ЦУР хәбәр итүенчә, 4-10 ноябрь көннәрендә шәһәр халкы башкаланың яңа микрорайоннарында мәктәпләр төзү турында үтенечләр калдырган. Моннан тыш, җәмәгать транспортына бәйле шикаятьләр ешайган – башкала халкы автобусларны озак көтүдән һәм аларның тулы булуыннан, шулай ук кичен маршрутлар булмаудан канәгатьсезлек белдерә.

 Башка иң таралган мәсьәләләр арасында – юллар, торак-коммуналь хуҗалык, төзекләндерү эшләре һәм сәламәтлек саклау.

 Башкортстан Башлыгы Радий Хәбиров ассызыклаганча, республикада – нәкъ менә Уфага һәм төбәкнең башка эре шәһәрләренә якынрак районнарда мәктәпләрне күбрәк төзергә кирәк.