Комплекс эшчәнлеген югары бәяләде

Уфада "Киртәләрне җимереп" III Бөтенрусия форум кысаларында Стратегик инициативалар агентлыгы директоры Светлана Чупшева Башкортстан Республикасы Хөкүмәте Премьер-министры вазыйфаларын башкаручы Андрей Назаров белән берлектә күптән түгел ачылган «Салют» балалар реабилитация комплексын карады.

Кунаклар реабилитация-мәгариф үзәгенең мөмкинлекләре белән таныштылар, учреждение территориясен карадылар, тернәкләндерү һәм медицина блокларында, шулай ук стационар палаталарында булдылар, анда «үзенчәлекле» балалар белән аралаштылар.

Светлана Чупшева үзәктә булу шартларын югары бәяләде, шулай ук төбәк җитәкчелегенә халыкка ярдәм күрсәтү буенча ведомствоара оешма юнәлешендә хезмәттәшлек итәргә тәкъдим итте.

– Без үз ягыбыздан шулай ук комплекслы реабилитация, мониторинг оештыру, белгечләр әзерләү программаларының стандартларын эшләү өлешендә дә катнашачакбыз. Стратегик инициативалар агентлыгы сәламәтлек үзенчәлекләре булган балаларны реабилитацияләү һәм сәламәтләндерү өчен уникаль мәйданчыкны үстерү максатларында төбәк командасы белән бергәләп эшләү белән кызыксына, – дип билгеләп үтте Стратегик инициативалар агентлыгы директоры.