Алты бала - алты бәхет!

Республика перинаталь үзәгендә бер бәхетле гаиләнең кесарев кисеме ярдәмендә алтынчы сабыйдары дөньяга килгән.    

Акушер-гинекологлар, хирурглар һәм анестезиологлар командасының тырыш хезмәте нәтиҗәсендә операцияне уңышлы үткәргәннәр. Бәхетле әни Галина Зәбирова табибларга вакытында күрсәткән ярдәмнәре өчен рәхмәт белдергән.

- Бала сәламәт туды, әнисе дә үзен яхшы хис итә. Без, табиблар, моның өчен бик шат. Бу гаиләдә тәрбияләнүче балалар төпчекләрен көтәләрдер. Без бу гаиләгә сәламәтлек һәм бәхет теләп калабыз, - дигән табиб Юлия Кондакова.

Көн саен дөньяда бик күп кесарев кисеме ясала. Бу бик катлаулы һәм күп кан югалтулар белән бәйле иң катлаулы операция. Шуңа күрә, аналыкта ике җәрәхәт (ике кесарев кисеме) булганнарга гына операциягә күрсәтмә бирелә, - ди үзәкнең акушер-гинекология стационары мөдире Динар Габдрахманов. - Быел Владимир Путин Гаилә елын игълан итте, һәм нәкъ күп балалы әти-әни бәхетенә ирешү дә быел актуаль булып тора, - ди ул елмаеп.