Беренче ярдәм күрсәтә беләсезме?

     Халыкны беренче ярдәм күрсәтү алымнарына массакүләм өйрәтүне тәэмин итү өчен “Санитар оборонасына әзер" комплексы эшләнде. Аны Башкортстанда кертү әлеге мөһим алымнарны өйрәнү мөмкинлеген арттырачак һәм аларны белгән гражданнар һәм инструкторларның бердәм мәгълүмат базасын булдырырга мөмкинлек бирәчәк.

   Бу мәсьәлә турында Башкортстан Республикасы Хөкүмәте Премьер-министр вазифаларын башкаручы Андрей Назаров җитәкчелегендә үткән утырышта фикер алыштылар.

 - Быел республикада мондый курсларны 7,2 меңгә якын кеше үтте. Алар арасында беренче ярдәм күрсәтү күнекмәләренә массакүләм өйрәтүче 44 инструктор бар. Катнашучылар тактик аптечкаларны куллану кагыйдәләрен өйрәнделәр, имгәнүләр, җәрәхәтләр һәм бәхетсезлек очраклары вакытында үзара ярдәм итү күнекмәләрен алдылар, - дип билгеләп үтте Андрей Назаров.

    Беренче медицина ярдәме күрсәтү буенча теләге булган һәркем укый ала. Андрей Назаров мәгариф һәм сәламәтлек саклау министрлыкларына  мәгариф учреждениеләрен ГТО комплексын гамәлгә ашыруга җәлеп итүне тәэмин итәргә кушты.