Әнисен балконга бикләп куйган

   Кичә Уфада яшь ярымлык кыз бала әти-әнисен дулкынланырга мәҗбүр иткән – сабый әнисен балконда бикләп калдырган. Кызыксынучан нәни кыз, әнисе аны-моны уйламыйча, балконда тыныч кына юылган киемнәр элгән арада балкон ишегенең келәсен төшерергән дә куйган.

    "Фатирга кире керергә уйлагач, ишекнең бикле булуын күргәч,  әни кеше бик гаҗәпләнгән. Тәрәзәдән кызының хәйләкәр-шат йөзен күргәч, ишекнең очраклы гына ябылмавын аңлаган. Хатынга коткаручылар ярдәмгә килгән. Аларны вакытында өенә кайткан гаилә башлыгы чакырткан. Чөнки ул да фатирга  керә алмаган – тышкы ишек эчтән бикле булган”, -  дип хәбәр иттеләр шәһәрнең гражданнарны яклау идарәсенең матбугат хезмәтендә.

    Коткаручылар баскыч һәм альпинистлар кирәк-яраклары ярдәмендә өченче катта урнашкан балконга менгәннәр һәм ишекне ачканнар.  Бала хәтта курыкмаган да.