Уфаның юбилеенда сугышучылар булмаган

Уфа юбилеен бәйрәм иткәндә җәмәгать тәртибен бозуның бер очрагы да теркәлмәгән. Бу хакта башкала мэры Ратмир Мәүлиев 3 сентябрьдә Хөкүмәттәге оператив киңәшмәдә чыгыш ясаганда хәбәр иткән.

«Бәйрәм барган мәйданчыкларының берсендә дә якалашу, сугышу очраклары булмады, - дип билгеләп үткән ул. - Җәмәгать урыннарында һәркем үзен тәртипле тотты, күренеп тора ки, бу вакыт эчендә шәһәр эчке яклап үскән.

Аннары, бәйрәм узган урыннарда  чүп-чар да күп түгел иде. Барысы да таралышты, ә артларыннан чүп өелеп калды дип әйтеп булмый»,- дигән ул.

Мәүлиев билеләп үткәнчә, бәйрәмгә ике көн эчендә 300 меңнән артык кеше чыккан. Концертлар һәм мәдәни чаралар шәһәрнең барлык районнарында да оештырылган.