«Арт-квадрат»та – театрлар фестивале

Уфа шәһәренең 450 еллыгына багышлап, башкала һәм аның кунакларының күңеленә якын булган “Арт-квадрат” мәдәни үзәгендә урам театрларының IV Бөтенрусия “Айдафест”фестивале ачылды.

Тамашага килүче уфалылар һәм башкала кунаклары театр дөньясына сәяхәт итә, халыкка иң якын сәнгать белән аралаша, дус-ишләре белән бәйрәм шатлыгын уртаклашу мөмкинлеген ала. Галиҗәнаб театр белән аралашу өч көн буена барачак. Әлбәттә, “Айдафест” тамашаларга килүчеләр күңелендә онытылмас бер тарихи вакыйга, күңелле мизгел булып истә калачак.