“Бу искиткеч нәтиҗә!” диде төбәк башлыгы

Башкортстан «Кече шәһәрләрне һәм тарихи җирлекләрне үстерү буенча иң яхшы төбәк» номинациясендә уңайлы шәһәр мохитен формалаштыру өлкәсендә I Милли премия лауреаты булуга иреште. Бу хакта республика башлыгы Радий Хәбиров атналык оператив киңәшмәдә хәбәр итте.

 - Бу искиткеч нәтиҗә. Мин барысын да котлыйм. Кече шәһәрләрдә һәм тарихи җирлекләрдә уңайлы шәһәр мохите булдыруның иң яхшы проектлары Бөтенрусия конкурсында җиңүчеләр саны буенча Башкортстан илдә өченче урында тора - биш ел эчендә 29 проект. Муниципалитет башлыкларының һәм Башкортстан шәһәрләрен үстерү институтының бик нәтиҗәле эше. Моның өчен зур рәхмәт, – диде төбәк җитәкчесе. - Кече шәһәрләрдә һәм район үзәкләрендә, чыннан да, яңартуның билгеле бер этабы бара. Ләкин эш күп әле.

    Теманы дәвам итеп, төбәкнең Торак-коммуналь хуҗалыгы министры Ирина Голованова «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль проекты кысаларында биш ел эчендә Башкортстанда гомуми суммасы 7 млрд сумлык 683 иҗтимагый территория төзекләндерелде, дип сөйләде. 2024 елга планнарда-тагын 121 җирлекне  яңартуны төгәлләү.