Умартачылар очрашты

"Башкорт балы" бренды күптән инде Русиядә һәм чит илләрдә республиканың танылган визит карточкасына әйләнгән. Якынча мәгълүматлар буенча, 2024 елның 1 гыйнварына республикада бөтен төр милек формасындагы хуҗалыкларда 292,4 мең умарта күче исәпләнә, шуның 263,2 меңе – шәхси секторда.

Республикада 300 дән алып 2 мең бал корты гаиләсенә кадәр исәпләнгән 15 сәнәгать умартачылык хуҗалыгы, шулай ук башкорт һәм урта рус хәләл бал кортларын үрчетү буенча 4 токымчылык хуҗалыгы бар.

Республика Башлыгы Радий Хәбиров төбәк икътисадының герое булган агросәнәгать комплексына зур игътибар билгели. Авыл хуҗалыгы эш урыннары һәм азык хәвефсезлеген тәэмин итүдә төп роль уйный. Фермерларга төрле ярдәм төрләре, грантлар, субсидияләр һәм ташламалар бар. Дәүләт ярдәмен алучылар исәбендә "Нократ" чолык умартачылыгы башлыгы Азамат Заһитуллин да бар.

Бу көннәрдә "Ирләр коры" төбәк оешмасы әгъзалары, атап әйткәндә, Азамат Заһитуллин башлангычында, әтиләр белән уллары өчен чираттагы матур чара тормышка ашырылды. Республиканың һәм районның төрле шәһәр, авылларыннан ир-егетләр "Нократ" чолык умартачылыгында булып чолыкчылык серләренә төшенде.

-Бу кәсепне үстерүдә бергәләп актив эш алып барабыз. Ни өчен әтиләр һәм уллар соң?! Оешманың тәртибенә ярашлы, без әти ролен җәмгыяттә күтәрү өстендә эшлибез. Берләшеп эшләгәндә генә бәйләнешләр ныгый, гаилә башлыгы белгәнен киләчәк буын әгъзасына, димәк, улына җиткерә, - диде чараны оештыручы Азамат Вәхит улы.

"Ирләр коры" төбәк җәмәгать оешмасы әгъзалары, башкаладан, Белореттан килгән мәртәбәле кунаклар бүкән умарталар эшләп, тармак үсешенә дә үз өлешен кертте. Һөнәр үзләштерүчеләр, чолыкчылык белән кызыксынучыларны да арттырды.

Чара халык уеннары, кыр чәе эчү белән тәмамланды. Бу көндә иң кече катнашучы, 5 яшьлек Илһам да әтисе Илфат Мырзагалинга чолык умартасын эшләште. Бу юлы чын эш коралларын кулына алган, кече остага агач юну, әлбәттә, ошады. Чарада катнашучылар нәтиҗәдә 12 чолык эшләде.