Музей безне ныграк берләштерәчәк

Аны тантаналы ачуда Башкортстан Республикасы Башлыгы, Радий Хәбиров та катнашты. Музейның визит - үзәген ачу тантанасында Русия мөселманнары үзәк Диния нәзарәте рәисе Тәлгать Таҗетдин да катнашты һәм булачак музейга Османның Корьәннең күчермәсен тапшырды. Уникаль китаплар яңа музей-күргәзмә комплексының беренче экспонатлары булды. Ул ачылганчы, алар музейның визит-үзәгендә сакланачак. Китап реликвияләренең күчермәләрен тапшыру тантанасы алдыннан Югары мөфти Тәлгать Таҗетдин Евразия күчмә цивилизацияләр музее Русия халыкларының һәм Евразия дәүләтләренең бердәмлегенә ярдәм итәчәк дип билгеләп үтте. - Безнең ил-бөтен дөньяда иң зурысы, анда 193 халык вәкилләре яши, барлык төп конфессияләр дә бар. Евразия күчмә цивилизацияләр музее безгә бер-беребезне танырга, тагын да ныграк берләшергә мөмкинлек бирәчәк. Русия бик катлаулы сынаулар аша узганда бу аеруча мөһим, - диде Тәлгать Таҗетдин. Бу изге реликвияләр безнең үткәнебезгә мөрәҗәгать итеп, бергә һәм бердәм Ватанда, йөрәк булган Башкортстанда яшәргә ярдәм итсен.