Пластик операция ясаттым. Паспортны алыштырырга кирәкме?

     Ябыктым, йөземә пластик операция ясаттым. Хәзерге кыяфәтем паспортымдагы фотога бөтенләй ошамаган. Бәлки, паспортны алыштырырга кирәктер?

                                  Илүзә. Күмертау шәһәре.

     Законда тышкы кыяфәтне үзгәрткән, шул исәптә пластик операция ясаткан өчен паспортны алыштыру каралмаган, - ди бу җәһәттән юрист Марина Захарова. - Әмма паспорт ул – шәхесне раслаучы төп документ. Әгәр бу үзгәрешләрдән соң, тышкы кыяфәтегезне паспорттагы фотогызга карап, тану авыр булса, сездә даими проблемалар булачак. Ә бу инде паспортны алыштыру өчен сәбәп дип уйлыйм.

Фото: nogtipro.com