Ә паркта үрдәкләр йөзә

   Уфаның Затон бистәсендәге “Дулкын” ял паркында үткән елда бик матур төзекләндерү эшләре үткәрелде.

   Анда булган матур түгәрәк күл тазартылды, ә моңа кадәр куе агачлык һәм сазлык тәшкил иткән урында өр-яңа зур күл барлыкка килде. Берьюлы ике күле булган башка ял паркы бармы икән берәр якларда?

   Бүген бер күлдән икенчесенә кыр үрдәкләре һәм акчарлаклар очып-йөзеп, ял итәргә килүчеләрнең күңелләрен күтәрә. Һәм алмагачлар һәм шомыртлар шау чәчкәдә утыра.

   Биредә рәхәтләнеп ял итәргә һәм спорт белән шөгыльләнергә бар мөмкинлекләр булдырылган, ә балалар өчен уен мәйданчыгын күреп тел шартлатырлык. Иң мөһиме, ял итүчеләр паркка карата сакчыл карашта булсыннар, кадерләсеннәр иде...

Автор Фотосы.