Владимир Путинга таныклык тапшырдылар

РФ Президенты Владимир Путин Кремльдә Үзәк сайлау комиссиясе рәисе Элла Памфилованы кабул итте. Элла Александровна Владимир Путинга “Русия Федерациясе Президенты” дигән таныклыкны тапшырды.

Русия Федерациясендә сигезенче тапкыр президент сайлаулары үтте. Быел ул 15 марттан 17 мартка кадәр булды. Яңа сайланган президентның инаугурациясе 7 майга планлаштырылган. Владимир Путин алты елга – 2030 елга кадәр сайланды. Ул бу юлы 76 миллион тавыш җыеп, 87,28 процент белән җиңү яулады. Башкортстанда аңа сайлаучыларның 90,9 проценты тавыш бирде.