"Пионер" руднигында һәлак булган шахтёрларның туганнары кайткан

Сибай хакимияте башлыгы Азамат Юлдашбаев “ВКонтакте“ социаль челтәрендәге үз битендә Алтай краенда һәлак булган Башкортстан шахтерларының хәтере  мәңгеләштереләчәк дип хәбәр итә.

“Шушы көннәрдә һәлак булганнарның туганнары фаҗига урыныннан кайтты. Алар белән шәхсән очраштым. Гаиләләр белән бергә без  Тау микрорайонында  урнашкан Таучылар скверында шахтерларга багышлап хәтер мемориалын ачарбыз, дип килештек. Ахырга кадәр могҗизага ышандык, әмма, кызганычка каршы, ул булмады. 1 апрельдә  “Пионер” руднигында коткару операциясен туктату карары кабул ителде.  Экспертлар фикеренчә, арытаба коткару эшләрен үткәрү хәфевле, янә тау массалары ишелү  һәм су басу куркынычы югары. 13 шахтёр өчен “Пионер”  руднигы туганнар каберенә әверелде”.

Азамат Юлдашбаев һәлак булган якташларыбызның туганнарының һәм якыннарының кайгыларын уртаклашты. Шахтёрлар Олег Симонов, Юрий Марков, Вадим Николаев һәм Ролан Шәриповның исемнәре  мәңгегә Сибайның Хәтер китабында калачак. 

Чыганак: bashinform.ru