Климат үзгәрүнең эшсез калдыруы бар...

Инде бүген үк без табигать күренешләре һәм казалары аркасында эш вакытлары югалуын күреп торабыз.

   Росгидромет докладына ярашлы, якын киләчәктә климат үзгәрүенең (2030 елларга кадәр) хезмәт базарына тискәре тәэсир итүе көтелә. Киләчәктә бу күренешнең ешаюы һәм масштабы артачак кына. Экстремаль һава торышы, мәсәлән, эсселек, акыл һәм физик  хезмәт җитештерүчәнлеген киметәчәк. Бу процесс, әле җитмәсә, төрле чирләр эпидемияләре белән дә яный.

   Якын киләчәктә парник газларын кыскарту кирәклеге икътисадка шактый үзгәрешләр кертәчәк. Атап әйткәндә, нефтькә, газ һәм күмергә сорау кимиячәк, ә бу исә ягулык-энергетика секторында мәшгуль булучылар өчен хәвеф тудырмый калмый.

Фото: news.un.org