Ашламалар сатып алынган, уңыш та әйбәт булыр әле

Башкортстанда 2024 елгы чәчү кампаниясенә әзерлек дәвам итә. Март ахырына төбәк аграрийлары 143 мең тонна минераль ашлама сатып алган. Бер гектар чәчүгә исәпләгәндә, 22 килограмм алына.

– 2023 елда республика аграрийлары, авыр һава шартларына карамастан, 3,2 млн тонна ашлык уңышы алдылар. Бу - безнең үсемлекчеләрнең мөмкинлекләрне арттыру, технологияләрне үтәү, шул исәптән ашламаларны яхшы күләмдә кертү нәтиҗәсе. Шушы темпны сакларга кирәк. 2024 елга план – ким дигәндә 228 мең тонна ашлама сатып алу,– диде Башкортстан Республикасы Хөкүмәте Премьер-министры урынбасары – авыл хуҗалыгы министры Илшат Фазрахманов.

Республикада быел язгы кыр эшләре апрельнең икенче декадасында башланыр дип көтелә. Язгы культуралар 2 млн гектардан артык мәйданда чәчеләчәк.