Конструктор детален тешенә кигезгән

   Уеннан уймак чыга, табадан  коймак чыга дигәнне ишеткәнегез бардыр, дуслар. Үткән  ял көннәрендә  шушы сүзләргә туры килгән хәл  булган –  Башкортстанда 7  яшьлек малай  “Лего”  конструкторы  белән уйнаганда, авызына шул уенның  вак детален капкан.  Куркыныч бер нәрсә дә юк сыман, ләкин деталь, протез кебек,  малайның тешенә менеп “утырган”.

 Әнисе улының “ протез”ын  салдырырга тырышкан да соң,  әмма уңышсыз.  Шуннан балага  ярдәмгә коткаручыларны чакырганнар. Алар пассатижлар ярдәмендә тешне   азат иткәннәр. Малай да молодец, тешне коткару операциясе вакытында сабыр гына торган, түзгән.