Ипотека алучылар арта

   2023 елда Башкортстанда ипотека бирү күрсәткече 60 процентка үскән.

   2023 елда республикада 84 меңнән артык ипотека бирелгән, бу аннан алдагы ел белән чагыштырганда, 60 процентка артыграк. Бирелгән кредит күләме 83 процентка үскән.

   Болар хакында БР Хөкүмәтенең республика белән идарә итү үзәгендә үткән киңәшмәсендә БРның төзелеш һәм архитектура министры вазифасын үтәүче Владислав Сидоркин хәбәр итте.

   Үз докладында ул шулай ук яңа төзелүче йортларда фатир сатып алу өчен кредитлар бирелү күрсәткече үсүен дә билгеләп үтте.

Фото: Башинформ.