Кече һәм урта эшкуарлыкны үстерү – өстенлекле юнәлешләрнең берсе

 Башкортстанда “Кече һәм урта эшкуарлык (КУЭ) һәм шәхси эшкуарлык инициативасына ярдәм” милли проекты ярдәмендә КУЭ субъектларының “туу” коэффициентының үсеше билгеләнә. Узган елның 10 феврале белән чагыштырганда коэффициент 8,7%ка арткан һәм 217,6 берәмлек тәшкил иткән.

- Кече һәм урта бизнес өлкәсен үстерү – республика  Хөкүмәте эшчәнлегенең өстенлекле юнәлешләренең берсе. Бу - дәүләт өчен мөһим бурычларны хәл итүче сектор, алар арасында – яңа  эш урыннары булдыру һәм республика халкы өчен уңайлы мохит формалаштыру. Хәзерге вакытта яңа төзелгән КУЭ субъектлары саны 29,8 мең берәмлеккә тигез, - дип билгеләп үтте Башкортстан Республикасы Хөкүмәте Премьер – министры Андрей Назаров.

Төбәктә кече һәм урта эшкуарлык өлкәсендә эшләүчеләр саны узган ел дәрәҗәсендә сакланып калган һәм 2024 елның гыйнварына 634,2 мең кеше тәшкил иткән. Ә үзмәшгульләр саны артты. 2024 елның 1 февраленә 193,5 мең үзмәшгуль теркәлгән, бу узган ел күрсәткеченнән 48,2% ка югарырак.