Балаларның хокукын әти-әниләре боза

“Балаларның хокуклары еш кына әти-әниләре тарафыннан бозыла”, - диде Башкортстан Республикасында бала хокуклары буенча тулы вәкаләтле вәкил Ольга Панчихина Дәүләт Җыелышы-Корылтайның бишенче утырышында чыгыш ясаганда.

• Бу – алиментлар түләмәү, баланың кайда яшәве турындагы бәхәсләр, ата-аналарның бала алдындагы үз бурычларын үтәмәве һәм башкалар. Шулай ук балаларны дарулар белән тәэмин итү, мәктәпләрдәге конфликтлы ситуацияләр һәм балаларның хәвефсезлеге актуаль булып кала.

Иң күп ­ - 730 мөрәҗәгать Уфа шәһәреннән килгән. Алар бөтен мөрәҗәгатьләрнең 42 процентын били. Стәрлетамактан – 60, яисә 3,5 процент, Нефтекамадан – 43 (2,5 процент), Салават шәһәреннән – 30 (1,7 процент) мөрәҗәгать килгән. Төп сәбәп – гаиләнең уңышсыз булуы.