Чаңгы шуарга дип кенә киткән...

Уфада коткаручылар 51 яшьлек чаңгычы хатынга ярдәмгә килгәннәр. Шәһәрнең гражданнарны яклау идарәсе матбугат хезмәтендә сөйләүләренчә, ханым урманга чаңгыда йөрергә чыккан. Бераздан аның хәле начарланган. Көч-хәл белән ул үзенең хәле турында туганына хәбәр итә алган. Тегесе ашыгыч хезмәтләргә шалтыраткан.

    Шулай итеп, эзләү-коткару отряды хезмәткәрләре һәм ашыгыч ярдәм бригадасы хатынга ярдәмгә килгәннәр. Бер чакрым  чамасы алар зыян күргән хатынны “03” хезмәте машинасына кадәр алып килгәннәр. Анда инде аны табиблар кулына тапшырганнар.